Uhereye kera hose
Guhimbaza 163
Verse 1
Uhereye kera hose
Yesu yamy' ari mw ijuru
Ar' i buryo bg' Uhoraho, Ni yo
Man' isumba vyose.
Verse 2
Urukundo rwiwe rwinshi
Rwamuzanye mur' iyi si,
Avuka nk' abandi bantu,
Ashir' ubgan' arakura.
Verse 3
Akuze yigish' abantu
Ivy' Imana vyiza vyose,
Abarwaye bamwizeye
Yabakiz' ivyago vyabo.
Verse 4
Kandi yakiz' ibimuga
Abibgiy' ijambo gusa,
Yakor' abanyamibembe,
Bamwizeye bagakira.
Verse 5
Kandi n'abari bapfuye
Yashobora kubazura,
Nta ho Yesu vyamwankira
Gukiz' umunt' amwizeye.
Verse 6
Kand' ikirut' ivyo vyose
Yakunda kubgir' aboro
Ivy' urukundo rw' Imana,
N'agakiza kadashira.
Verse 7
Maz' abantu babi cane
Batemey' ivyo yavuze,
Baterwa n'ishari ryinshi
Kumufata no kumwica.
Verse 8
Babamb' Umukiza wacu
Ku musaraba w'isoni,
Bamutoboy' ibiganza
Yakirish' abababaye.
Verse 9
Nuko yaradupfiriye
Ngw adukiz' ivyaha vyacu,
Aja mu gishingo cacu;
N'umunyarukundo rwinshi.
Verse 10
Kand' uz' ah' ar' amwizeye
Ntiyobura kumwakira;
Yarasezeranij' ati
Sinzirukan' uj' aho ndi.