Har' Umukunzi w' abana
Guhimbaza 304
Verse 1
Har' Umukunzi w' abana
Mw ijuru k' Uhoraho,
Abakund'urukundo
Rut agir' iherezo,
Abadukunda mw isi
Boduharuruka:
Yesu we n' Umukunzi
Atoduhemukira.
Verse 2
Harih' uburuhukiro
Mw ijuru k' Uhoraho,
Bg' abana bamukunda
Bambaz' izina ryiwe,
Ah' abagenzi bato
Bahora bataha,
Ni ho baruhukira
Mu mahor' adashira.
Verse 3
Mw ijuru harih'urugo,
Nyene rwo n' Umukiza
Abana bamukunze
Bazoshika mûri rwo:
N' urugo rwiza cane,
Rw' amahoro masa,
Umunezero wabo
Urut' uw' abo mw isi.
Verse 4
Har' ibitsibo mw ijuru
Vy' abana bakijijwe,
Babikiwe na Yesu
Ku musi bamwizeye;
Abamukunda bose,
Bakamushimisha,
Bazogererwa na we
Inger' itazoshira.
Verse 5
Harih' indirimbo nziza
Y' abana bakijijwe;
Bazama baririmba
Ni bashika mw ijuru,
Ishim" Umwami Yesu
Ko yabacunguye:
Kand' abayiririmba
Ntibazocobogora.
Verse 6
Har' impuzu zera kandi
Z' abana bakijijwe,
N' indirimbo z' ishimwe,
N' inanga z' izahabu;
Abakunz' Umukiza
Ni bo babihabga:
Ni muze bana mwese,
Muvyakiran' ishimwe.