Hariho bamwe bazinjira
Guhimbaza 353
Verse 1
Hariho bamwe bazinjira
Mw ijur' iyo(2)
Babon' ivyiza babikiwe,
Uzobayo? Je nzobayo?
Hariy' inzira z'izahabu,
Zikayangana cane hose,
Hazob' ishimwe n' ibirori:
Uzobayo? Je nzobayo?
Verse 2
Bazoruhuk' umusaraba,
Nta kabuza, (2)
Bagabirw' igitsibo ciza:
Uzobayo? Je nzobayo?
Bazobon' Umwami w' ubgiza,
Ata mubabar' ukiriho,
Bame banezeranywe na we:
Uzobayo? Je nzobayo?
Verse 3
Abazokomanga ku rugi,
Bugaranywe(2)
Bazobarirwa ngo Simbazi!
Uzobayo? Je nzobayo?
Nta kizobumva ni bavuga,
Urugi ruzoba rukinzwe,
Ntibazobona ça gitsibo:
Uzobayo? Je nzobayo?
Verse 4
Bamwe bazama baririmba
Bari kumwe (2)
N' ababohowe n' amaraso:
Uzobayo? Je nzobayo?
Bari ku misozi yera de,
Banezeranywe n' Umukiza
Bakiz' umubabaro wose:
Uzobayo? Je nzobayo!